I dag (24/1) har 5. og 6. steg tatt fram att reinslåret og dei to hjarta. Dei har ligi i ei smaksblanding sidan fredag. Vi har gnidd og massert kjøttet. Vi har og kokt saltlake, for hjarta er klare til å leggjast i lake. Sjå bilete frå dagen.

Vi har nå starta opp med pilotprosjektet vårt " Med reinen som læremeister." 5.-6.steg parterte ein reinskalv saman med Bjørn Benrud og Svein Leirflaten frå Nortura. (Sjå bileta ved å gå inn på bilete under fana Lalm oppvekstsenter)

Vi hadde ei fin lesevake på skulen 10.-11.januar. Dei siste lesarane sløkte ljoset 03.15!

Planleggingsdagen i barnehagen som var tenkt tysdag 10.januar, er flytta til måndag 2.januar.

1. og 2. steg har gått hinderløype i skogen ved skulen.Vi hadde ein kjempefin uteskuledag, med mykje fysisk trening og leik!

I veke 47 kom det eit skriv angåande fruktbetalinga. Der har kontonummeret vorte feil (manglar ein null). Rett kontonummer skal vere: 2085. 07. 70000

1.-4. steg har delteke i årets fredsplakatkonkurranse, ein Lionsaktivitet som går samtidig over heile verda.

Fredag i veke 43 arrangerte 1.-2. steg kafe der dei selde heimelaga grønsakssuppe. 7. steg stod for underholdinga og imponerte med sambatonar. Her ser de elevane i aksjon. Sjå fleire bilete i albumet "7. steg, hausten 2011"

1. og 2. steg var onsdag 12. oktober på besøk hjå Randi og foreldre hennar. Vi fekk sjå på "mange rare folk og dyr" og hadde det svært triveleg.

Det blir foreldremøte i barnehagen Torsdag 8. september kl 18.30. Vi skal informere om noko av det vi skal arbeide med dette året, smaks-prosjekt, filosofi og vi vil drive ein del med matematikk. Det blir val av foreldrerepresentantar. Velkomen.

Sommaravslutninga blir i barnehagen. Alt blir som planlagt bortsett fra å vere ute.

Tysdag 14.juni kl.17.30 vert det sommaravslutning på Lalm oppvekstsenter. Alle ungane i skule og barnehage fekk med seg brev om dette fredag.

I dag var det energikampfinale på Lalm oppvekstsenter. Vinnarlaga frå både 5., 6. og 7.steg møtte kvarandre i finala, og til slutt var det laget frå 7.steg som stakk av med sigeren.

1. og 2. steg har vore på tur til settefiskanlegget i Randsverk og eit godt fiskevatn i nærleiken... Takk til Erik Myrum frå fjellstyret som tok oss med!

Denne veka har 5. og 6.steg uteskuleveke der kvar elev er utstyrt med kvart sitt kamera. På slutten av veka skal kvar elev velge ut eitt bilete til elevutstillinga "Mitt Vågå" under Vågå-Dågå 11-13.juni.

Tysdag 31.mai kl.19.00 vert det møte med kommuneleiinga på Lalm oppvekstsenter. Møt opp!

Elevane frå Lalm oppvekstsenter tok i mot statsminister Jens Stoltenberg. Frå Lalm fekk han ei trebøtte med blomar i, laga av Magnus Lillebråten, pluss eit lisseslips av granatglimmerskifer forma som ein kvernstein. Dette var laga av Torbjørn Løland.

Personalet på skulen hadde ein svært lærerik tur til Kvernsteinsenteret i Hyllestad. Ta ein titt på bileta.

Nå er vi i full gang med å rydde og pynte til nasjonaldagen vår. Her er ivrige elevar på 1. og 2. steg i full gang med rive og trillebåre.

Statsministerbesøket er utsett til 18.mai.

Vi fekk besøk av eit mobilt teloskop og ei danseforestilling som heiter UtoSafari! Dette er ein del av Den Kulturelle Skulesekken. Ungane fekk sjå, oppleva og utforske ulike danseuttrykk! Her ser de nokre bilete frå opplevinga.